الخصوصية

شو منحتفظ فيه، وليش، وشو ما منعملو أبدًا. لوكاتي بتديرها شركة Lookati.ai Company، لبنان. آخر تحديث: 16 تشرين الأول 2026.

لمّا تزوري الموقع

ما منحتفظ بأي سجلّ لزيارتك. لا كوكيز، ولا تحليلات، ولا تتبّع، ولا عنوان IP. الصفحات والصور والخطوط والفيلم كلّها جايي من السيرفر تبعنا، يعني ولا شركة تانية بتشوف زيارتك.

لمّا تنضمّي عالقائمة أو تختاري باقة

منحتفظ باللي بتكتبيه بالاستمارة: اسمك، اسم محلّك، إيميلك، مدينتك، حسابك عإنستغرام، رقم الواتساب، وقدّيش قطعة بتوصلك بالشهر. ومنحتفظ كمان بتاريخ الإرسال، وباسم الباقة إذا اخترتي وحدة. منستعمل هالمعلومات لشغلة وحدة بس: نجهّز حسابك ونحكي معك عنّو، عالواتساب أو بالإيميل. ولمّا تختاري باقة، بيوصل عتلفوننا تنبيه فيه اسم الباقة بس، ولا شي من معلوماتك.

وين بتنحفظ، ومين بيشوفها

معلوماتك محفوظة على سيرفر آمن واحد بألمانيا. ما حدا بيقدر يفتحها غيرنا. النسخ الاحتياطية منخلّيها 30 يوم وبعدين منمحيها. وما منبيع معلوماتك، ولا منشاركها، ولا منستعملها لإعلانات، أبدًا.

صورك، لمّا ينفتح حسابك

صورك بتعمل إطلالاتك، وبس. ما بتنعرض على ولا محل تاني. وما بتنستعمل لتدريب نموذج ذكاء اصطناعي مشترك. كل صورة مكتوب عليها إنها معمولة بالذكاء الاصطناعي. وما في شي بيطلع قبل ما تقولي إيه.

إنستغرام وفيسبوك

لمّا ينفتح حسابك، فيكي تربطي حساب محلّك عإنستغرام من خلال فيسبوك، بأدوات Meta الرسمية وبالأذونات اللي بتعطيها إنتي وبس. لنربطه، منشوف أسامي صفحاتك عفيسبوك حتى تختاري الصفحة المربوطة بإنستغرام محلّك؛ والباقي ما منحتفظ فيه. منقرا بروفايلك ومنشوراتك عإنستغرام حتى تبيّن بروزنامة النشر صفحتك الحقيقية. وما منشر إلا اللي عملتيه ووافقتي عليه، بالوقت اللي اخترتيه: ما في شي بينشر لحالو. ومنقرا الوصول واللايكات والتعليقات على منشوراتك إنتي، ومنعرضها عليكي إنتي وبس. ما منقرّب إلا عالحسابات اللي بتربطيها. لتفكّي الربط، روحي عالإعدادات بإنستغرام أو فيسبوك ← التطبيقات والمواقع، وشيلي Lookati. وبعدها منمحي اللي قريناه منهن خلال 7 أيام.

تعديل معلوماتك أو محيها

ابعتيلنا على hello@lookati.ai من الإيميل اللي سجّلتي فيه، أو عالواتساب، وقولي «امحوا معلوماتي». منمحيها خلال 7 أيام ومنخبّرك لمّا تخلص. والنسخ الاحتياطية بتنمحى خلال 30 يوم.

أسئلة

hello@lookati.ai، بالعربي أو بالإنكليزي.